Икки киши зудлик билан ўзларини Қирғизистон Бош прокурори деб эълон қилишди, деб хабар беради АКИпресс.

Газетада ёзилишича, "Бир Бол" сиёсий партиясидан депутатликка номзод Алмамбет Шыкмаматов ва "Чон Казат" партияси раҳбарларидан бири Сыймык Жапыкеев ўзини Бош прокурор деб эълон қилди.

Маълум қилинишича, бир гуруҳ одамлар Бош прокуратура биносига етиб келган. Бино яқинида 300 га яқин одам бор. Сыймык Жапыкеев бинога кирди. Ичкарида Алмамбет Шыкмаматов ҳам бор.

Бинода учрашув бўлиб ўтмоқда.

Чон Казат ва Бир Бол партиялари вакиллари Бош прокуратура биноси ёнида. Намойишчиларнинг баъзилари кетишди. Айримлари эса қолди. Бино ичида Жапыкеев ва Шйкмаматов иштирокида йиғилиш давом этмоқда.

Қирғизистондаги норозилик намойишлари: ҳозир Бишкекда нима бўлаяпти.

Эслатиб ўтамиз, аввалроқ Шыкмаматов Бош прокуратура идорасини эгаллаб олгани ва ОАВга ўзининг Бош прокурор вазифасини бажарувчиси эканлиги ҳақида хабар берган эди.