Қозоғистон Соғлиқни сақлаш вазири Алексей Цой бугун Ҳукумат йиғилишида қаттиқ карантин тадбирлари натижа берганини маълум қилди, деб хабар беради Kazinform мухбири.
«Қаттиқ карантин чоралари жорий қилинганидан бери, яъни 5 июлдан бошлаб уч ҳафта ичида 35 951 та коронавирус юқтириш ҳолати қайд этилди. Умуман олганда, қатъий чеклов чоралари қўлланилганидан бери рўйхатга олинган ҳолатлар 29 фоизга камайди.
Ҳозирги кунда COVID-19 инфекцияси билан боғлиқ вазият кунига ўртача 1600 та ҳолатгача барқарорлашди. Бундан ташқари, ётоқларнинг 43 фоизи бўшади, реанимация бўлимлари юкламаси эса 27 фоизни ташкил қилмоқда, ҳолос», - деди Алексей Цой.
Унга кўра, касалликдан соғайганлар улуши 63 фоизга ошган.
«Шундай қилиб, соғлиқни сақлаш тизимидаги юкнинг асосий кўрсаткичлари камайтирилди», - деди у.