Бугун АОКА штабида Соғлиқни сақлаш вазирлиги ҳузуридаги Коронавирусга қарши кураш штаби аъзоси Хабибулла Оқилов иштирокида брифинг бўлиб ўтди.
Брифингда муҳим савол ва мурожаатлар юзасидан жавоб қайтарилди.
— Британиялик олимларнинг D витамини ва қуёш нурининг етишмаслиги коронавирусдан ўлим ҳолатини кучайтириши ҳақидаги тахминлари тўғрими?
— D витамини етишмовчилигининг коронавирусдан ўлим ҳолатини кучатиришига узвий боғлиқлиги исботланмаган.
Ҳақиқатдан ҳам D витамини етишмовчилиги организмда иммунитет заифлашишига ва унинг касалликларга тез чалинишига олиб келиши мумкин.
Бироқ буларнинг барчаси олимларнинг тахминлари бўлиб, бу борада изланишлар давом этмоқда.