Украина собиқ президенти Пётр Порошенко ташқи разведка хизмати раҳбарига "ноқонуний буйруқ берганлик" бўйича жиноий ишда гумон қилинмоқда, деб хабар берди Давлат тергов бюроси (ДТБ) нинг иккинчи бўлим бошлиғи Вадим Приямачок.

Таъкидланишича, Украина ДТБ Порошенкога қарши профилактика чораларини қўллаш тўғрисида петицияни тайёрламоқда.

2018 йил июл ойида Порошенко Киев хавфсизлик хизмати раҳбари бўлиб ишлаб келаётган Сергей Семочкони ташқи разведка хизмати раҳбарининг биринчи ўринбосари этиб тайинланди.

2018 йил октябр ойи бошида Bihus.info нашрининг журналистик текшируви эълон қилинди, унда 2015-2017 йилларда Донбассдаги можаро пайтида Семочко оиласи катта қонуний даромадга эга бўлмаган ҳолда, энг қиммат ёзги турар-жойлардан бирида - Киев яқинидаги Козин қишлоғида бир неча миллион доллар турадиган учта уй сотиб олганлиги айтилган. 

Маълум бўлишича, Семочко оиласи Россия солиқ тўловчиларининг маълумотлар базаларида рўйхатга олинган.

Кейинчалик, Украина Хавфсизлик хизмати суриштирувлари Семочко ва рафиқасида Россия фуқаролиги борлигини тасдиқлади.

2019 йил апрел ойида Порошенко Семочкони ишдан бўшатган эди.