Болливуднинг юқори даражадаги юлдузларидан иборат оиланинг коронавирусга топширган тести мусбат чиқди. Бу ҳақда Маҳараштра штати расмийларига таяниб BBC хабар бермоқда.
12 июль, якшанба куни дунёнинг собиқ биринчи рақамли гўзали Аишвария Рай Баччан ва унинг 8 ёшли қизи Арадҳяда ҳам коронавирус аниқланди.
11 июль, шанба куни эса актрисанинг турмуш ўртоғи, актёр Абҳишек ҳамда қайнотаси Амитабҳ Баччанлар топширган коронавирусга топширган тест натижаси ижобий чиққан эди.
46 ёшли Аишвария Рай ҳам Болливуд ҳам Голливудда ҳурмат қозонган кам сонли ҳинд кино ижодкорларидан бири.
Ҳозир Ҳиндистонда кунига ўн минглаб коронавирус инфектсияси аниқланмоқда. Мамлакат COVID-19 га чалинганлар сони бўйича АҚШ ва Бразилиядан кейин учинчи ўринда туради.