Россия 21 сентябрдан ЕОИИдаги шериклари - Белорус, Қозоғистон ва Қирғизистон билан парвозларни тиклайди. Жанубий Корея билан рейслар 27 сентабрда тикланади. Рейслар ўзаро асосда ҳафтада бир марта амалга оширилади.

Шунингдек, 21 сентябрдан бошлаб Россия экспорт парвозлари дастурини тўхтатади. Бунинг ўрнига штаб-квартирада юк, йўловчи ва транзит рейсларидан қайтган самолётлардан тижорат мақсадларида фойдаланилади.

Эслатиб ўтамиз, март ойининг охиридан бошлаб коронавирус пандемияси фонида Россия бошқа мамлакатлар билан парвозларни тўхтатди. Август ойида Туркия, Танзания, Буюк Британия ва Швейцарияга, сентябр ойида Миср, БАА ва Малдив оролларига парвозлар қайта тикланди. 1 сентябрда Минск ва Москва транспорт алоқаларини босқичма-босқич тиклашга келишиб олдилар. Москванинг учинчи рўйхатида ҳам Тошкент билан авиапарвозларни қайтадан амалга ошириш режалари йўқ. 

Аввалроқ Ўзбекистон сентябр ойида 4 мамлакат - Туркия, БАА, Беларусь ва Қозоғистон Республикаси мунтазам авиақатновларни тиклашни режалаштираётганини хабар берган эдик. 11 сентябрдан расман Қозоғистон билан авиапарвозлар қайта тикланди. Ҳозирча Тошкент-Олмаота-Тошкент йўналишига мунтазам қатновчи самолётлар қўйилди. Яқин истиқболда Ақтау-Урганч-Ақтау рейди ҳам қўйилиши масаласи муҳокама қилинмоқда.