Россия президенти Владимир Путин Тожикистон раҳбари Эмомали Рахмон билан телефон орқали мулоқотда тожик-афғон чегарасидаги вужудга келаётган мураккаб вазиятда Душанбени зарур даражада қўллаб-қувватлашга ваъда берди.

Кремлнинг матбуот хизмати хабарига кўра, Путин ва Рахмон тожик-афғон чегарасидаги вазиятни батафсил муҳокама қилган.

Путин Коллектив хавфсизлик шартномаси ташкилоти ҳамда икки томонлама муносабатлар доирасида ҳам Тожикистонга зарур ёрдам берилишини айтди.

Эслатиб ўтамиз, аввалроқ Кремлнинг расмий вакили Димитрий Песков Москва афғон ҳукумати билан мазкур мамлакатга ҳарбий контингентни олиб кириш масаласини муҳокама қилмаслигини айтганди.