Россияда коронавирус билан касалланганлар сони кундан кунга пасайиб бормоқда. Ўтган сутка давомида 5811 та янги COVID-19 ҳолати қайд этилди. Бир кун олдин эса ўсиш 5848 кишини ташкил этган эди. Шундай қилиб мамлакатда 800 849 та коронавирус ҳолати қайд этилди.
Сўнгги 24 соат ичида 154 киши вафот этди, умумий ўлим сони 13 мингдан ошди.
Бир кун ичида 8444 киши даволанди, жами соғайиб кетганлар сони 588 774 га етди.
Жонс Хопкинс университети ҳисоб-китобларига кўра, Россия коронавирус билан касалланиш сони бўйича тўртинчи ўринда туради. Биринчи ўринда АҚШ (деярли 4,04 миллион), ундан кейин Бразилия (2,3 миллионга яқин) ва Ҳиндистон (1,3 миллионга яқин).