Россияда Ўзбекистон фуқароси бетон плита тагида қолди
31.12.2021 19:57,
182
Россияда Ўзбекистон фуқаросини бетон плита босиб қолди. Бу ҳақда «Невские новости» газетаси хабар берди.
Маълумотларга кўра, воқеа жорий йилнинг 27 декабрь куни соат 20:00 атрофида Лаврикийга олиб борувчи шосседа содир бўлган. Ўзбекистонлик мигрант оғир аҳволда реанимацияга ётқизилган.
Шифокорлар жабрланувчига узоқ муддатли сиқилиш синдроми ва турли жароҳатлар ташхисини қўйишди: бош мия чайқалиши, ёпиқ краниокеребрал травма, қовурға синиши, пневмоторакс, бош ва иякдаги кўкаришлар ҳамда яралар.