Россия федерал йўловчи ташиш компанияси янги турдаги вагонларнинг 3 хил турдаги лойиҳасини тақдим қилди, деб ёзмоқда lenta.ru.
Биринчи концепция ҳозирги вагонлардан бироз фарқ қилади. Масалан, иккита пастки бўлма (полка)лар тепасида битта юқори бўлма ҳамда стол мавжуд. Бироқ ён ўриндиқ йўловчилари учун бундай қулайликлар бўлмайди.
Иккинчи вариант қисман якка тартибдаги сайёҳларга мўлжалланган капсулали меҳмонхоналарни эслатади. Бўлмалар узунлиги ҳозиргисидан 20 см.га узунроқ бўлади.
Учинчи лойиҳа ҳам капсулали кўринишда бўлади. Юқори ва пастки қаватлар 10 сантиметрга узайтирилади.
Бундан ташқари, йўловчиларга персонал хизмат кўрсатиш учун индивидуал розетка ва ҳаво ҳарорати созлагичлари (регулятори) ўрнатилади. Шунингдек, бепул хизмат кўрсатиладиган ичимлик сувлари ва душлар, шахсий сейфлар ва дам олиш хоналари ҳам вагон ичида бўлади.