Россиянинг Красногорск шаҳридаги (Москва вилояти) қариялар учун мўлжалланган касалхонада ёнғин содир бўлди.
Ҳодиса натижасида 10 киши ҳалок бўлди.
9 киши касалхонага ётқизилган, улардан 6 нафари жонлантириш бўлимида.
Ёнғин пайти бинода 37 киши бўлган, улардан 8 нафари хизматчилар.
Ёнғин 11 май куни маҳаллий вақт билан 01: 09 да тўлиқ ўчирилди. Оловни ўчиришда 90 киши ҳамда 28 та махсус техника иштирок этган.
Москва вилояти Тергов қўмитасининг Бош тергов бошқармаси терговчилари ва суд-терговчилари ёнғин содир бўлган жойга жўнаб кетишди.
ТАСС манбасига кўра, ёнғин сабаби сув иситгичининг носозлиги бўлиши мумкин.