Самарқанд халқаро аэропорти Россия Федерациясининг Қозон ва Екатеринбург шаҳарларидан амалга оширилган чартер парвозларни қабул қилди. Бу ҳақда "Uzairports" АЖ ахборот хизмати хабар берди.
Жорий йилнинг 3 августида 3 та чартер рейс орқали 501 нафар юртдошимиз манзилга хавфсиз келтирилди. Барча йўловчилар Махсус комиссия томонидан белгиланган тартиб-қоидаларга асосан Самарқанд шаҳридаги карантин маркази (Кимёгарлар шаҳарчаси) ҳудудига олиб кетилди.
Шунингдек, йўловчиларга хизмат кўрсатишда пандемия тарқалишининг олдини олиш бўйича барча чоралар қўлланилиши айтилди.