Россиянинг «Маша ва айиқ» анимацион сериали Машани «Кремль рамзи» сифатида кўриб, Европада ташвиқот деб эълон қилинди. Немис журналистлари мультфильм қаҳрамонларини ҳимоя қилиб, уни бутун дунё бўйлаб «энг машҳур мультфильм» деб аташди.

Британияда сиёсатшунослардан бирининг айтишича, агар Маша «Кремль рамзи» бўлса, ғарб томошабинлари Россияни унчалик ёмон кўрмаслиги учун айиқни «ширин ва бағрикенг» қилиб кўрсатишади. Болтиқбўйи оммавий ахборот воситалари ҳам бу позицияга қўшилади.

Айни пайтда немис журналистлари рус мультфильми ҳимоясига чиқишди.

«Агар Россиядан келган ҳамма нарса фақат Россиядан келгани учун ташвиқот учун ҳисобланса, унда сиз тарғибот ҳақида шунчалик тушунмайсизки, охир-оқибат, бундай таҳдид ҳеч нарсани англатмайди», деб ёзади Билд.

Бу мультфильм бутун дунё бўйлаб Россиянинг энг экспортбоб мультфильмига айланди, у 40 дан ортиқ тилларга таржима қилинган, дея эслатишди немис журналистлари ғарблик ўқувчиларга.

Эслатиб ўтамиз, Россиянинг «Маша ва айиқ» анимацион сериали Parrot Analytics томонидан болалар мультимедиа контенти рейтингида етакчи бўлди.

«Маша ва айиқ» анимацион сериали бутун дунё бўйлаб YouTube’да 100 миллиарддан ортиқ кўрилди, платформада анимацион сериални томоша қилишнинг умумий вақти 1 миллиондан ортиқни ташкил этади.

«Маша ва айиқ» анимацион сериали 2009 йилнинг январь ойидан бошлаб чиқарилмоқда. У 42 тилга таржима қилинган. 2019 йилда «Маша ва айиқ» анимацион сериали дунёдаги энг йирик кинотеатрлардан бири – Буюк Британиядаги "Vue" кинотеатрлари экранларига чиққан эди.