Самарқандда 3 яшар боласини сотмоқчи бўлган 19 ёшли аёл қамалди
19.08.2021 20:38,
132
Олий суд матбуот котибининг хабар беришича, Самарқанд шаҳридаги кафеларнинг бирида 43 ёшли аёл ва унинг 19 ёшли қизи шаръий никоҳдан туғилган 3 ёшли ўғлини $600 га сотмоқчи бўлган.
Аниқланишича, улар боладан воз кечиш тўғрисида тилхат ҳам ёзиб берган. Шунингдек, аёл онасини даволатиш учун ўғлини сотганини айтган.
Шундан сўнг, суд уларга нисбатан Жиноят кодексининг 135-моддаси (одам савдоси) 3-қисми “а” банди билан кодекснинг 57-моддасини (енгилроқ жазо тайинлаш) қўллаб 4 йил 6 ой муддатга озодликдан маҳрум қилиш жазосини тайинлаган.