Самарқанд вилоятида қизларни Туркияга фоҳишалик учун жўнатмоқчи бўлган шахс қўлга олинди. Бу ҳақда вилоят ИИБ матбуот хизмати хабар берди.
Маълумотларга кўра, жорий йилнинг 7 январь куни Самарқанд вилояти ИИБга 3,5 минг доллар эвазига икки нафар қизни Туркияга фоҳишалик учун жўнатмоқчи бўлган фуқаро устидан ариза келиб тушган.
Ушбу баёнотга кўра, 8 январь куни Самарқанд вилояти ИИБ Терроризм ва экстремизмга қарши курашиш бошқармаси ходимлари томонидан тезкор тадбир ўтказилиб, унинг давомида 3,5 минг доллар олаётган шахс ашёвий далил билан қўлга олинди.
Мазкур ҳолат юзасидан Тайлоқ тумани ИИБ ҳузуридаги тергов бўлими томонидан Жиноят кодексининг 135-моддаси 2-қисми «б» банди билан жиноят иши қўзғатилган.