Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Samsung Redmi арзон смартфонларига жавобан Galaxy M01ни тақдим қилди (тавсиф+видео)
2.06.2020 19:24,  
1285

Samsung куни кеча Galaxy M01 моделининг хусусиятларини Россиядаги расмий сайтига чиқарган эди. Энди эса компания Ҳиндистонда унинг тақдимотини ўтказиб, Россиядаги нархини ҳам маълум қилди.

Galaxy M01 учун Ҳиндистонда 8,999 рупия миқдорида нарх белгиланган, бу эса тахминан 120 АҚШ долларига тўғри келади. Интернетда аллақачон уни қадоғидан олиб, ишлатиб кўрсатилган видеолари ҳам пайдо бўлди.

Россияда бўлса Galaxy M01 моделини 8990 рублдан сотишяпти, бу эса Ҳиндистондагидан сал қимматроқ – тахминан 130 долларга тўғри келади. Мазкур мамлакатда уни фақат кўк рангли корпусда, 3/32 гигабайтлик тезкор/ички хотирали вариантда таклиф этишади.

Samsung маълумотларига кўра, Galaxy M01 диагоналига 5,7 дюймлик TFT-экранга эга; унинг тасвир аниқлиги эса HD+ форматида (720х1560 пикселли). Смартфон саккиз ядроли процессор (Snapdragon 439 бўлса керак) базасида ишлайди, тезкор/ички хотираси эса 3/32 гигабайтлик.

Galaxy M01 бош камераси 13 ва 2 мегапикселли, селфи-камераси эса 5 мегапикселли датчиклардан иборат. Аккумуляторининг ток сиғими 4000 мА/соатлик бўлиб, экран ўлчами ва бошқа хусусиятларини инобатга олсак, унинг қуввати анча вақтга етади.

Samsung бу смартфонига бармоқ изи сканери ўрнатмаган, NFC ҳақида-ку, гапирмаса ҳам бўлади. Корпусининг ўлчами 147,5х70,9х9,8 миллиметрга, вазни эса 168 граммга тенг.

Айтиш керакки, Samsung мазкур модели билан хитойликларнинг Redmi ҳамда Realme сингари арзончи брендлар смартфонларига қарши рақобатга киришмоқда. 

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан