Олий Мажлис Сенатининг кеча, 28 февраль куни бўлиб ўтган иккинчи ялпи мажлисида сенаторлар Ўзбекистон Республикаси Олий судининг таркибига ўзгартишлар киритиш масаласини ҳам кўриб чиқди ва бу масала бўйича Сенатнинг тегишли қарори қабул қилинди.
Унга кўра, Ўзбекистон Республикаси Конституциясининг 80-моддасининг 3-бандига мувофиқ Ўзбекистон Республикаси Олий Мажлисининг Сенати
- Бобир Норбобоевич Исламов ўн йил муддатга;
- Абдурасул Ғаппорович Эранов муддатсиз даврга Ўзбекистон Республикаси Олий судининг судьяси лавозимига сайланиши ҳақида қарор қабул қилди.
Шунингдек, Сайлаубай Аманбаевич Мамбеткадиров бошқа ишга ўтганлиги муносабати билан Ўзбекистон Республикаси Олий судининг судьяси лавозимидан озод этилди.