Таниқли олима, жамоат арбоби Светлана Рашидова Шарофовна 2021 йил 14 декабрь куни 70 ёшида вафот этди. Бу ҳақда «Tashkent_Land» Telegram канали хабар қилди.

Светлана Рашидова 1952 йил 1 мартда Тошкент шаҳрида Ўзбекистон раҳбари Шароф Рашидович Рашидов оиласида туғилган ва Рашидовлар оиласининг энг кичик фарзанди бўлган. У Тошкент давлат университетининг роман-герман факультетини тамомлаган. Москва давлат университетида чет эл адабиёти фан номзоди илмий даражасини олиш учун номзодлик диссертациясини ҳимоя қилган. Тошкент давлат университетининг роман-герман факультетида доцент лавозимида ишлаган.

Светлана Рашидова 1971 йилда Алишер Васитович Воҳидовга турмушга чиқади. Турмуш ўртоғи билан бирга Нью-Йоркка жўнаб кетади. У 1994 йилда Ўзбекистоннинг БМТдаги доимий вакили вазифасини бажарувчи, 1997–2008 йилларда эса Ўзбекистоннинг БМТдаги элчиси ва доимий вакили лавозимида ишлади.