Аввалроқ, ижтимоий тармоқларда шахматнинг рапид йўналишида жаҳон чемпионлигини қўлга киритган Нодирбек Абдусатторовга президент фармонига асосан совға қилинган 2 хонали квартиранинг калити қайтариб олингани ҳақидаги хабарлар тарқалди.
Туризм ва спорт вазирлиги мазкур хабарларга изоҳ берди.
Қайд этилишича, ёш чемпионга Тошкент шаҳри Маҳтумқули кўчаси 91/1 уй манзилидан икки хонали квартиранинг калити топширилган.
"Бугун Тошкент шаҳар ҳокими ўринбосари – Туризм ва спорт бош бошқармаси бошлиғи Фаҳриддин Давруков дунё тарихидаги энг ёш жаҳон чемпиони ва унинг ота-оналарини президент совғаси бўлмиш 2 хонали квартира билан таништирди.
Тез кунларда қонунчиликда белгиланган расмиятчилик ишлари якунланиб, ушбу хонадон Нодирбек Абдусатторовга топширилади", - дейилади вазирлик хабарида.