«Шерматов вазиятдан фойдаланиб, „пиар“ қилибдиларда бир» — депутат давлат бюджетининг тасдиқланиши ҳақида
17.06.2021 17:26,
460
16 июнь куни президент Шавкат Мирзиёев раислигида олий таълим масалаларига бағишланган видеоселектор йиғилишида ўқитувчиларнинг ойлик маошини ошириш масаласига ҳам тўхталиб ўтилди.
Ушбу йиғилишдан сўнг Халқ таълими вазири Шерзод Шерматов ўз Telegram-каналида пост қолдирди.
«Бугунги селекторда ҳам президентимиз таълим сифатини яхшилаш учун асосий урғуни ўқитувчиларнинг ойлик маошини ошириш зарурлигига қаратганлари, келгуси йиллардаги Давлат Бюджетини тасқидловчи баъзи депутатларимизни ҳам тўғри хулоса қилишга ундайди деб умид қиламиз…», — дейди у.
Депутат Дониёр Ғаниев ушбу масала «депутатларга боғлиқ эмаслигини яхши билган» Шерматов вазиятдан фойдаланиб, «пиар» қилган дея таъкидлади.