Фарғона вилояти ҳокими Шуҳрат Ғаниев яқинда Жанубий Кореяга қилган хизмат сафари чоғида мутахассислар билан маслаҳатлашиб, коронавирусни аниқловчи экспресс-тестларларни вилоятга олиб келиш борасида келишувга эришди.
Бугун вилоятга коронавирус инфекцияни тезкор аниқловчи 4 минг дона экспресс-тест олиб келинди.
Мазкур тестнинг афзаллиги шундаки, унинг натижасини узоқ кутиб ўтириш шарт эмас, атиги 5-10 дақиқада маълум бўлади.
Экспресс-тест нафақат коронавирусни юқтирганлигини аниқлаб беради, балки илгари бемор бу касалликка дучор бўлган ёки бўлмаганини ҳам кўрсатади. Энг асосийси, вақт тежалади.
Бу экспресс-тестлардан чегара-назорат ўтказиш масканлари, йирик ташкилот ва корхоналарда фойдаланиш бошланди.