Қашқадарё мактабларидан бирида ўрта мактаб ўқувчилари жанжаллашди
18.10.2021 08:46,
556
Қашқадарёнинг Чироқчи туманидаги ўрта мактаб ўқувчилари мактабда муштлашув уюштирди. Ўқувчилар видеога олиб, ижтимоий тармоқларга тарқатган.
Вилоят халқ таълими бошқармаси хабар беришича, жанг 20 сентябрь куни Чироқчи туманидаги 1-мактаб ҳудудида содир бўлган. 2, 4 ва 5-мактабларнинг 9-11-синф ўқувчилари мактабда учрашган ҳамда ўзаро жанжаллашган.
Можаронинг сабаби номаълумлигича қолган. Қизларнинг ота-оналари Маъмурий Жавобгарлик тўғрисидаги Кодекснинг 47-моддаси (Болаларни тарбиялаш ва ўқитиш мажбуриятларини бажармаслик) бўйича қонун олдида жавоб беради.
Қайд этилишича, ота-оналарига 1 дан 5 бараваргача миқдорда жарима солиш кўзда тутилган.