Навоийдаги Тўдакўл сув омборида 6 млн. долларлик янги пляж очилмоқда
14.08.2020 14:12,
683
16 август куни Навоий вилояти, Қизилтепа туманида жойлашган Тўдакўл сув омборида "Silk Road Family Resort" сайёҳлик пляж зонасининг расмий очилиш маросими ўтказилади. Бу ҳақда Туризмни ривожлантириш давлат қўмитаси матбуот хизмати хабар бермоқда.
Лойиҳага кўра, пляж дам олиш соғломлаштириш маскани ва аквапаркнинг умумий қиймати 6 млн долларни ташкил этади.
Шунингдек, ушбу сайёҳлик объекти пляж, бассейн, аквапарк, кичик «Диснейланд», 50 ўринга мўлжалланган меҳмонхона, дам олиш тапчанлари, ресторан, ёзги терасса, SPA-салон, табиат қўйнидаги ўйингоҳ, тиббиёт бурчаги, соғломлаштириш маскани, спорт майдони, автотураргоҳ ва махсус сув транспортлари каби турли қўшимча хизматларни ҳам ўз ичига олади.