Реал вақт режимида ҳавонинг ифлосланиш даражасини кўрсатиб турувчи АҚИ нашри Ўзбекистон пойтахти Тошкентни ҳавоси энг ифлосланган шаҳарлар рўйхатининг аввалига қўйди.
Нашр берган маълумотларга кўра, Тошкент шаҳри ҳавосининг ифлосланиш даражаси 404 – “Хавфли” босқичида.
Қўшни давлатлар пойтахтларида эса ҳавонинг ифлосланиш даражаси, жумладан, Ашхобод шаҳрида – 72, Душанбе шаҳрида – 104, Бишкек шаҳрида – 107 ҳамда Олмаота шаҳрида – 158 кўрсаткичли белгилар қайд этилган.
Шунингдек, нашр тузган рейтингда дунё давлатлари орасида Ўзбекистондан кейинги ўринларда Ҳиндистон, Хитой, Қирғизистон давлатлари санаб ўтилади.
Мазкур рейтингларда энг сўнгги ўринлар Словакия, Исландия ва Либерия давлатларига насиб қилган.