Тошкентнинг Яккасарой тумани Кичик ҳалқа автомобиль йўли ва Бобур кўчалари кесишмасида жойлашган автомобиль йўлидаги кўприк қисман ёпилди. Бу ҳақда пойтахт ҳокимлиги матбуот хизмати хабар берди.
Тошкентда аэропортга элтувчи кўприкнинг бир томони 15 кунга ёпилди.
Маълум қилинишича, автомобиль йўл ўтказгичининг аэропорт йўналишидаги томонининг битта йўлагини таъмирлаш ишлари бошланган. Йўлсозлик тадбири 15 кун давом этади. Шу сабабли мазкур йўл ўтказгичнинг аэропорт йўналиши томонига ҳаракат мавжуд учта йўлакнинг иккитасида амалга оширилади.