Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Тошкентда очиқ осмон остидаги муз майдони очилади
5.01.2021 12:46,  
205

 7-январ куни Тошкент шаҳридаги Алишер Навоий номидаги давлат академик катта театрида очиқ муз майдони ишга туширилмоқда. “Очиқ осмон остидаги шаҳар муз майдони” лойиҳаси Туризмни ривожлантириш давлат қўмитаси ҳамда “Art Uz Promotion Agency” томонидан пойтахт ҳокимлиги қўллаб-қувватлаши остида ўтказилмоқда.

Мақсад – аҳоли орасида соғлом турмуш тарзи ҳамда спортни кенг тарғиб қилиш. Бош вазир ўринбосари, Туризмни ривожлантириш давлат қўмитаси раиси Азиз Абдуҳакимов масʼуллар билан муз майдонида бўлиб, лойиҳа очилиши билан боғлиқ масалаларни муҳокама қилди. Шаҳар марказидаги муз майдони бир ой муддатга ўрнатилади. Бу вақт мобайнида очиқ осмон остидаги муз майдонида қатор маданий-кўнгилочар ва спорт тадбирлари ўтказилади. Консерт зонасида “Dance Music Fest Winter”, “Iosis Fest”, “Tashkent Rap Festival” мусиқий фестиваллари, шунингдек, хоккей бўйича ўсмирлар чемпионати, муз устида рақс шоуси каби тадбирлар ўтказилиши режалаштирилган. 2021-йилнинг 7-январ куни Шаҳар муз майдони очилиши доирасида Россия муз спорти юлдузи, фигурали учиш бўйича Олимпия чемпиони Алексей Ягудин ўзининг “Қиш” дастури билан иштирок этиши кутилмоқда. Шу билан бирга, очиқ осмон остидаги муз майдони очилишида ўзбек эстрадаси юлдузларининг консерти ташкил этилади. Бундан ташқари, ташкилотчилар томонидан фудкорт зона хизмати йўлга қўйилиб, унда пойтахтимизнинг тез овқатланиш, қандолатчилик ва қаҳва брендлари фаолият юритади. Майдон олдида чанғи ва бошқа учиш аксессуарлари ижараси пункти хизмати йўлга қўйилади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан