Пойтахтнинг Мирзо Улуғбек туманида учта машина тўқнашди. Бу ҳақда Йўл ҳаракати хавфсизлиги бош бошқармаси матбуот хизмати хабар берди.
Маълумотларга кўра, тўқнашув 20 октябрь куни соат 11:30 да Шариобод-Зафар Диёр кўчалари кесишмасида содир бўлган. Унда «Cobalt» ва иккита «Lacetti» автомашиналари тўқнашган.
Воқеа натижасида машиналардан бирининг йўловчиси тан жароҳатлари олиб, касалхонага ётқизилган. Ушбу ҳолат юзасидан тергов ҳаракатлари олиб борилмоқда.