Тошкентдаги баъзи йўллар вақтинча ёпилмоқда
19.03.2022 18:24,
78
Бугун, 19 март куни соат 21:00 дан 20 март куни соат 06:00 га қадар Алишер Навоий шоҳ ва Лабзак кўчаларининг айрим қисмлари ёпилади. Бу ҳақда Тошкент шаҳар ҳокимлиги Матбуот хизмати хабар берди.
Қайд этилишича, йўл таъмирлаш ишлари олиб борилиши туфайли:
• Алишер Навоий шоҳ кўчаси Абай кўчаси чорраҳасидан Шароф Рашидов шоҳ кўчаси чорраҳасигача;
• Лабзак кўчаси Алишер Навоий шоҳ кўчаси билан кесишмасидан Абдулла Қодирий кўчаси билан кесишмасигача бўлган ҳудуд вақтинча ёпилади.
“Йўл таъмирлаш жараёнида ҳайдовчилар айланма йўллардан фойдаланишлари мумкин”, дейилади хабарда.