АҚШ президенти Доналд Трамп ва мамлакатнинг биринчи хонимида коронавирус аниқланди. Бу ҳақда жаноб Трамп ўз Twitter саҳифасида хабар берди.
"Бугун кечқурун Мелания ва менинг COVID-19 тестим ижобий натижа кўрсатди. Биз карантин ва даволаниш жараёнини дарҳол бошлаймиз. Биз буни бирга енгиб ўтамиз", - дея твит қолдирди жаноб президент.
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
Аввалроқ президентнинг маслаҳатчиси Хоуп Хиксда COVID-19 инфекцияси аниқлагани учун Трамп ва унинг рафиқаси карантинга олинган эди.
Хикс хоним давлат раҳбарини Демократик партиядан президентликка номзод Жо Байден билан дебатда, шунингдек, Миннесота штатидаги сайловчилар билан учрашувда кузатиб борган.