“Ўзбекистонда хизмат қилган фахрийларга ғамхўрлик кўрсатиш тўғрисида”ги фармонга асосан, 2001–2005-йилларда “Қарши-Хонобод” ҳарбий базасида хизмат қилган америкалик аскарларни фаол жанговар ҳаракатларнинг иштирокчиси дея эътироф этиб, уларга бир нечта имтиёзлар бериш масаласи кўриб чиқилади.
Пентагоннинг 2020-йилда очилган ҳужжатларидан маълум бўлгандики, ўша йиллари Қарши яқинида хизмат қилган АҚШ аскарлари заҳарли моддалар таъсирига тушган бўлиши мумкин.
Эслатиб ўтамиз, 2001-йил 11-сентабр терактларидан кейин террорга қарши уруш очган АҚШ Афғонистондаги ҳарбий ҳаракатларида фойдаланиш учун октабр ойида Хонободдаги аеродромни ижара олган. 2005-йил майидаги Андижон воқеаларидан сўнг, америкалик ҳарбийлар Ўзбекистон талаби билан у ерни тарк этган.
2006-йилда Ўзбекистон Коллектив хавфсизлик шартномаси ташкилотига қўшилгач, базадан Россия ҳарбийлари фойдалана бошлади. Ўзбекистон 2012-йилда КХШТни тарк этди, шу йили мамлакатнинг Ташқи сиёсий фаолият консепсияси қонун билан тасдиқланиб, унда Ўзбекистон ҳарбий-сиёсий иттифоқларга қўшилмаслиги, ўз ҳудудида бошқа давлатларнинг ҳарбий базаси бўлишига йўл қўймаслиги белгиланди- дея ёзмоқда "Xpress.uz"