АҚШ президенти Доналд Трамп ўзининг ижро этувчи фармони билан виза тоифалари бўйича чет эл ишчиларининг АҚШга киришини тўхтатди.
Кутилаётган тоифаларга яна иккита тоифа қўшилди - Трамп маъмуриятининг фикрига кўра, бу америкаликлар учун 525 минг иш жойини бўшатиши керак. Чекловлар йил охиригача амал қилади ва узайтирилиши мумкин.
Қуйидаги турдаги визалар берилмайди:
- Юқори малакали чет эллик мутахассисларнинг H1-B визалари (йилига 85 минг киши) ва уларнинг турмуш ўртоқлари учун H-4. Технологик компаниялар, асосан, ушбу тоифадаги иш берувчилар саналади;
- АҚШга кўчиб ўтган кўп миллатли компаниялар ишчилари учун L-1;
- J-1 визаларининг бир қисми. Унга хорижий тадқиқотчилар ва олимлардан ташқари маҳаллий ишчилар киради;
- Мавсумий ишчилар учун H-2B визалари.
H1-B чекловларига аллақачон Business Software Alliance (унинг таркибига Microsoft ва Slack ҳам киради) саноат бирлашмаси қарши бўлган. Тадқиқотлар АҚШда дастурчилар етишмаслигидан далолат беради, шунинг учун Оқ уй ташаббуси унга бевосита зарар етказади.
12 июнь куни Bloomberg Трамп маъмурияти ушбу тоифадаги визаларни олувчилар учун 180 кунлик виза тақиқини кўриб чиқаётгани ҳақида ёзган эди.
Апрел ойида, эпидемия авжида, Трамп Қўшма Штатларга кўчиб ўтишни истаган ҳар бир киши учун Грин-картани беришни тўхтатиб қўйиш тўғрисидаги фармонни имзолаган эди. Ҳозирда Грин-карта ютиб олганлар ҳам йил охирига қадар АҚШга кириш ҳуқуқига эга бўлмайди.