Туркиянинг мувофиқлаштириш ва ҳамкорлик агентлиги (TIKA), Сардоба фожиаси жабрдийдаларига яна бир бор гуманитар ёрдам жамламасини етқазиб бермоқда. Бу ҳақда Соф.узга Туркия Элчихонаси матбуот хизмати хабар қилди.
Гуманитар ёрдам 4000 кўрпа тўшак, ёстиқ ва ётоқ жамламаларини ўз ичига олган 7 та юк ташувчи машинада етқазиб берилади.
Ушбу инсонпарварлик ёрдами 2020 йил 15 июнь соат 16:00 да, Гулистон шаҳридаги Алпомиш спорт комплексида ташкил этиладиган маросимда Туркиянинг элчиси Меҳмет Сурайё Эр ва TIKA агентлиги раҳбари Жамолиддин Туней жаноблари томонидан Сирдарё ҳокимлигига тақдим этилади.