Туркманистонда давлат дўконлари олдида нонга навбатлар пайдо бўлиши мамлакатнинг турли ҳудудларида эмас, балки пойтахт Ашхободда ҳам одатий ҳолга айланиб қоляпти, деб хабар беради «Хроника Туркменистана».

Парахат-7 микрорайонида жойлашга ва «Ahal gallaönümleri» корхонасига тегишли давлат дўконида киши бошига икки донадан нон 1 манат (2800 сўм) эвазига сотилмоқда. Кўп болали оилалар учун бу етмайди, шу сабабли кун давомида бир оиланинг икки-уч нафар аъзоси навбатда турмоқда.

Ашхободликлар нон ўлчами кундан кунга кичраяётгани, нархи эса ўзгармаётганидан шикоят қила бошлаган.

Туркманистондаги хусусий дўконларда нон доим бўлади. Бироқ у давлат дўконига қараганда уч баравар қимматроқ сотилади.