26 май, сешанба куни ҳолати бўйича Тожикистонда тасдиқланган коронавирус ҳолатларининг сони 3 266 кишига етди. Охирги суткада 166 та янги юқтириш ҳолатлари қайд этилди.
Вирусдан ҳалок бўлганлар сони бир кишига кўпайиб, 47 кишини ташкил қилмоқда.
Бугунги кунда 1 417 киши коронавирусдан даволанмоқда.
Аввалроқ, Тожикистоннинг янги соғлиқни сақлаш вазири Жамолиддин Абдуллозода Covid-19 билан оғриган беморларни даволаш мутлақо бепул ва мамлакатда дори-дармонлар етарли даражада таъминланганини айтганди.
26 май соат 17:00 ҳолатига кўра, Ўзбекистонда коронавирус инфекцияси қайд этилганлар сони 3281 нафарни ташкил этмоқда. Шу билан бирга 2624 нафар бемор (80 %) бутунлай соғайган. Фаол даволанаётганлар сони эса 644 нафарни ташкил этмоқда.