Бутунжаҳон бокс ассоциацияси апрель ойи якунига кўра янгиланган рейтингни эълон қилди.

Ушбу рейтингдан 6 нафар боксчимиз ўрин олган:

- супер ярим ўрта вазн (69,8 кг) тоифасида Исроил Мадримов 1-ўринда қолди;

- супер енгил вазн (63,5 кг) тоифасида Шаҳрам Ғиёсов 7-ўрин, Шоҳжаҳон Эргашев 13-ўрин. Эргашев ўтган ойда 12-поғонани эгаллаб турган эди;

- ярим енгил вазн (57,1 кг): Отабек Холматов 2-ўринда қолди;

- биринчи ярим енгил вазн (55,3 кг) тоифасида Муроджон Аҳмадалиев йўналиш чемпиони;

- биринчи ўта енгил вазн (48,8 кг)да эса Ҳасанбой Дўсматов 3-ўринда қолди.