Хитой авиакомпаниялари хорижлик учувчиларни оммавий тарзда ишдан бўшатишни бошлади деб хабар бермоқда ТАСС.
Маҳаллий учувчилардан кўпроқ маош оладиган барча хорижий учувчилар ҳақ тўланмайдиган таътилга чиқарилмоқда ёки иш ҳақи сезиларли пасайтирилган ҳолда қолиш таклиф қилинади.
Оммавий ишдан бўшатиш коронавирус тарқалиши билан изоҳланмоқда. 23 январдан 3 февралгача бўлган муддатда 144,2 минг маҳаллий қатновларнинг 30 %и бекор қилинган, охирги ҳафтада эса бу рақам 60 %га етган.
Bloomberg мутахассислари фикрича, Хитойда хорижлик учувчиларга бўлган талаб (ва ҳозирда унинг пасайиши) Boeing 737 Max самалётлари билан боғлиқ. Самолёт қатновлардан бутунлай олингунга қадар маҳаллий бозорда жуда машҳур эди.