11 сентябр воқеаларидан сўнг АҚШ урушларга қанча пул сарфлади?
21.11.2019 19:40,
1063
Америкалик солиқ тўловчилар 2001 йил 11 сентябр воқеаларидан кейин Яқин Шарқ ва Осиёдаги урушлар ва ҳарбий ҳаракатлар учун $6,4 трлн. сарфлаган.
Ушбу маблағ АҚШнинг 2019 молия йили учун федерал ҳукумат томонидан қилинган харажатлардан $2 триллионга кўпроқ. Бу ҳақда Brown университети таҳлилларига асосланиб CNBC хабар бермоқда.
Ҳисоботга кўра, тўғридан тўғри урушларда 801 минг киши ҳалок бўлган. Улардан 335 мингги тинч аҳоли вакиллари бўлган. Шунингдек, 21 миллион одам яшаш жойини тарк этган.
Ҳисобот муаллифи Нета Кравфорд сўзларига кўра, 11 сентябр воқеаларидан сўнг, Ироқ, Афғонистон, Покистон ҳамда Суриядаги урушлар миқёси 80 дан ортиқ мамлакатга кенгайтирилди – “террорга қарши глобал миқёсдаги урушга айланди”.