Бугун АОКА штабида Соғлиқни сақлаш вазирлиги ҳузуридаги Коронавирусга қарши кураш штаби аъзоси Хабибулла Оқилов иштирокида брифинг бўлиб ўтди.

Брифингда муҳим савол ва мурожаатлар юзасидан жавоб қайтарилди.

— Коронавирусдан янги зарарланиш ҳолатлари ошиб бормоқда. Бу карантин шароитлари енгиллатилгани билан боғлиқми?

Таҳлилларга кўра, янги  ҳолатлар асосан карантинга олинганлар орасида аниқланмоқда.

Янги аниқланган холатлар асосоан карантинга олинганлар орасида аниқланган. Булар:

- чартер-рейслар билан чет эллардан қайтариб олиб келинаётган ҳамюртларимиз,

- автомобил йўллари орқали чегарадан ўтиб келаётган фуқароларимиз,

- узоқ масофаларга қатновчи, катта юк ташувчи траспорт воситалари хайдовчилари (дальнобойщиклар) орасидан аниқланмокда.

Қолган, аҳоли орасида аниқланган ҳолатлар фоизи сезиларли даражада паст. Бу карантин тадбирларини енгиллатиш билан боғлиқ эмас.