Зовурга тушиб кетган "Spark" автомобили бўйича маълумот берилди
13.12.2021 21:47,
125
Жорий йилнинг 13 декабрь куни соат 16:20 ларда, Наманган вилояти, Норин тумани ҳудудидан ўтувчи "Чўжа-Хақулобод" автомобиль йўлининг 23-километрида ҳайдовчи, 1978 йилда туғилган Д.Р. "Spark" русумли автомобилда ҳаракатланаётиб, руль бошқарувини йўқотиши оқибатида зовурга тушиб кетган.
Ҳодиса натижасида ҳайдовчи Д.Р. тан жароҳати билан шифохонага ётқизилган.
Мазкур ЙТҲ юзасидан Норин тумани ИИБ ЙҲХБ ходимлари томонидан суриштирув ҳаракатлари олиб борилмоқда.