Япония ҳукумати ўзбекистонлик талабалар учун грант ажратди
20.12.2019 10:28,
249
Япония ҳукумати мамлакатдаги нуфузли олий таълим муассасаларида бир йил давомида япон тили, ўлкашунослиги ва маданияти бўйича хорижлик талабалар билимини оширишга йўналтирилган “Япон тили ва маданияти” дастурини тасдиқлади. Бу ҳақда Япония элчихонаси хабар бермоқда.
Бу дастур 1954 йили ташкил этилган бўлиб, у орқали 160 та давлатдан 69 мингдан ортиқ киши Японияда бепул таълим олган.
Номзодлар тест синовлари ва суҳбатдан ўтадилар. Ҳужжат топширишнинг сўнгги санаси 2020 йил 27 январь.
Батафсил маълумотни Япония элчихонаси сайтидан олиш мумкин.