БМТ маълумотига кўра, дунё бўйлаб ҳар 40 сонияда бир киши ўз жонига қасд қиляпти. Мутахассислар бунинг энг асосий сабабларидан бири сифатида ичкиликбозликни тилга олмоқда.

Ўз жонига қасд қилувчиларнинг аксарини эркаклар ташкил этади. Масалан, суицидлар бўйича дунёда учинчи ўринда турадиган Россияда йилига ҳар 100 минг эркакдан 48,3 нафари ўзини ўлдиряпти.

Суициднинг ичкиликбозликдан бошқа сабаблари ҳам бор, энг кенг тарқалганлари орасида депрессия ва бошқа психик касалликлар (масалан, шизофрения) қайд этилган. Бундай хасталикларга чалинганлар ўзини ўлдирмаслиги учун муолажалар вақтида ўтказилиши зарур.