11 апрелдан Қозоғистоннинг Ўзбекистон билан давлат чегарасини авиақатновлар орқали кесиб ўтишда қўйилган чекловлар бекор қилинади
9.04.2022 20:33,
88
2022 йил 11 апрелдан Қозоғистоннинг Ўзбекистон билан давлат чегарасини авиақатновлар орқали кесиб ўтишда қўйилган чекловлар бекор қилинади. Бу ҳақда "Ўзбекистон ҳаво йўллари" миллий авиакомпания матбуот хизмати хабар берди.
Шу билан бирга, қозоғистонликлар ва Қозоғистон ҳудудида яшаш учун рухсатномага эга бўлган хорижликлар ҳамда чет эл фуқаролари Uzbekistan Аirways авиақатновига чиқишдан олдин Cовид-19 тестининг салбий натижаси (амал қилиш муддати 72 соат) ёки Covid-19 га қарши тўлиқ эмланганлик/қайта эмланганлик тўғрисидаги ҳужжатларни тақдим этишлари керак.
Эслатиб ўтамиз, Ўзбекистон ва Қозоғистонда берилган эмланганлик сертификатларини икки давлат ҳам ўзаро тан олган.