11 майдан пойтахтнинг икки туманидаги айрим маҳаллаларида табиий газ таъминоти вақтинча тўхтатилади
10.05.2022 23:42,
146
Пойтахтимизнинг Бектемир тумани, "Зилола" МФЙ ҳудудидаги ўрта босим Д-150 мм. ҳамда Д-50 мм. зулфинлардаги газ сизиб чиқиш ҳолатини бартараф қилиш мақсадида 2022 йил 11 май куни соат 10:00 дан 18:00 гача ушбу маҳалладаги 1320 та хонадонида газ таъминоти тўхтатилади.
Шунингдек, эртага Янгиҳаёт тумани, «Ёрқинҳаёт», «Олчазор», Ҳушнуд МФЙларидаги табиий газ истеъмолчиларга йўналтирилган паст босимли Д-219 мм. ер ости газ қувурида таъмирлаш ишлари олиб борилиши муносабати билан соат 10:00 дан 19:00 га қадар ушбу маҳаллалардаги 5610 та аҳоли хонадони ҳамда 10 та улгуржи истеъмолчиларда газ таъминоти тўхтатилади.
Таъмирлаш ишлари тугатилгандан сўнг, табиий газ таъминоти қайта тикланади.