2019 йили Қозоғистоннинг Алмати шаҳрида рақам серияси VIP-рақамлар тоифасига кирувчи 4664 та автомобиль рақами сотиб олинди. Улардан жами 1 207 176 350 танга (3,2 млн АҚШ доллари) тўлов йиғилиб, давлат бюджетига тушди. Бу ҳақда Kazinform хабар берди.
Қозоғистонда бундан хизматлар «Ҳукумат фуқаролар учун» давлат корпорацияси томонидан амалга оширилади.
Корпорациянинг Алмати шаҳар филиали директори Данияр Қириқбаевнинг айтишича, 2019 йилда аҳолига кўрсатилган 3,9 миллион хизматнинг 1,2 миллиондан кўпроғи электрон форматда кўрсатилган.
«Алматида 6та ихтисослаштирилган халққа хизмат кўрсатиш марказлари бўлимлари ишлаб турибди. Шундан иккитаси 2019 йилда очилган», - деди Данияр Қириқбаев.