Бугун 15-январ куни Тошкент вилоятида жойлашган “Амирсой” тоғ-чанғи курортида Халқаро пресс-клубнинг навбатдаги сайёр сессияси бўлиб ўтмоқда.
Сессияга Ўзбекистон Республикаси Экология ва атроф-муҳитни муҳофаза қилиш давлат қўмитаси, Ўзбекистон Республикаси Фавқулодда вазиятлар вазирлиги, Ўзбекистон Республикаси санитария-эпидемиология хизмати, Ёшлар иттифоқи, ва Ўзбекистон Республикаси Йўл-патрул хизмати экспертлари таклиф қилинган.
Йиғилишда Давлат экология қўмитаси раисининг ўринбосари Ибратжон Каримов қуйидагиларни маълум қилди:
“Бўстонлиқ туманидаги дам олиш масканларига кунига 200 минг, баъзида эса 300 минг дам олувчилар келади.
2019 йил давомида ахлат ташлаш мумкин бўлмаган жойларга ахлат улоқтирган дам олувчилардан 2 миллиард 700 минг сўм пул йиғилган“.