_{Аҳоли мурожаатлари асосида 2022 йилда Уй-жой инспекцияси томонидан кўп қаватли уйларга хизмат кўрсатувчи 1000 га яқин бошқарувчи компанияларнинг фаолияти текширилди.} Бу ҳақда UzNews нашри Уй-жой коммунал хизматлар вазирлиги матбуот хизматига таянган ҳолда ёзади.

Текширувлар натижасида 212 та уй-жой мулкдорлари ширкати томонидан 18,1 млрд. сўм пул маблағлари мақсадсиз равишда сарфлангани аниқланди

Хусусан:

– 15 та ҳолатда 778,9 млн.сўм маблағ қурилиш-таъмирлаш ишлари ҳажмига қўшилган;

– 18 та ҳолатда 758,1 млн.сўмлик кредитлар ўзлаштирилган;

– 149 та ҳолатда мулкдорлардан ундирилган 15,5 миллиард сўмлик мажбурий бадаллар бошқа мақсадларга сарфланган;

– 15 та ҳолатда 1,1 млрд.сўмлик бошқа ҳуқуқбузарлик ва камчиликларга йўл қўйилган.

50 та бошқарувчи компаниянинг мансабдор шахслари жиноий жавобгарликка тортилди, 6 нафар раҳбар қамоқ жазосига ҳукм қилинди.

700 миллион сўмдан ортиқ маблағ бошқарувчи компаниялар ҳисобига қайтарилди.