Ташқи савдо айланмаси таркибида экспорт $9,9 млрд.ни ташкил этди. 2022 йилнинг январь-июнь ойларида Ўзбекистон Республикасининг ташқи савдо айланмаси $24,5 млрд.га тенг бўлди. Бу ҳақда Давлат статистика қўмитаси маълумот берди.

Қайд этилишича, бу ўтган йилнинг мос даври билан солиштирганда қарийб $6 млрд.га ошган.

Ташқи савдо айланмаси таркибида экспорт $9,9 млрд.ни ташкил этди. Бунда:

• маҳсулотлар — $8,3 млрд,
• хизматлар — $1,6 млрд олиб келган.

Шунингдек, импортга $14,6 млрд сарфланган. Бунда, маҳсулотларнинг ҳиссаси $13,5 млрд, хизматларники эса $1,1 млрд.ни ташкил этган.