Ўзбекистон Республикаси Бюджет кодексига кўра, Ҳукумат Давлат бюджети тўғрисидаги қонун лойиҳасини қоида тариқасида ҳар йили 15 октябрдан кечиктирмай, Ҳисоб палатасининг хулосаси билан Қонунчилик палатасига киритиши лозим. Аммо 2023 йил бюджет лойиҳаси Олий Мажлис Қонунчилик палатасига кеч киритилаётгани қизғин муҳокамаларга сабаб бўлган эди.

Молия вазири ўринбосари Дилшод Султоновнинг изоҳ беришича, даромад ва харажатлар бир-бирига солиштирганда, 3 фоиз дефицитга сиғмади. Бу катта муҳокамаларга сабаб бўлиб, қайта-қайта кўриб чиқилди.

Якунда даромад нуқтаи назаридан катта режалар олинди, харажатлар оптималлаштирилди ва 2023 йил бюджети 3 фоиз дефицит билан киритилди. Шу боис, 2023 йил бюджет лойиҳаси Олий Мажлис Қонунчилик палатасига кеч киритилди.