АҚШ сенатори Ромни Трампга 2024 йилда президентликка номзодини қўйиши мумкинлигини очиқлади.

АҚШ республикачи сенатори Митт Ромни АҚШнинг собиқ президенти Доналд Трамп Республикачилар партиясидан 2024 йилги президентлик сайловида ўз номзодини қўйишини тан олди, деб ёзади Daily Mail.

Шу билан бирга, газета қайд этганидек, Ромни Трампга импичмент учун икки марта овоз берган.

«Республикачиларнинг Трампни қўллаб-қувватлашига путур етказадиган вазиятларни тасаввур қилиш қийин. Шундай экан, агар у 2024 йилда сайловда қатнашмоқчи бўлса, менимча, у бемалол сайловларда қатнашиши мумкин», — деди Ромни.

Апрель ойида Доналд Трамп Шимолий Каролинадаги митингда 2024 йилги президентлик сайловларида қатнашиш имкониятини тан олди, бироқ ҳали бу ҳақда у расмий баёнот бермади.

АҚШ президенти Жо Байден, ўз навбатида, собиқ давлат раҳбари Барак Обамага 2024 йилда иккинчи муддатга сайланиш режалари ҳақида аллақачон маълум қилган эди.

Эслатиб ўтамиз, АҚШда навбатдаги президентлик сайлови 2024 йил 5 ноябрда бўлиб ўтиши режалаштирилган.