Аввал хабар қилганимиздек, Халқаро пресс-клубда Ўзбекистон Республикаси Президентининг Олий Мажлисга йўллаган Мурожаатига бағишланган сессия бўлиб ўтди.

Унда Қишлоқ хўжалиги, Сув хўжалиги вазирликлари ҳамда ЎзЛиДеП ва Эко партия вакиллари иштирок этмоқда.

“Ўзагротехсаноатхолдинг” АЖ бошқарув раиси Нодир Отажоновнинг айтишича, бу йил давомида қишлоқ хўжалиги соҳасини 45% гача замонавий техникалар билан таъминлаш асосий мақсад сифатида қўйилган.

Сув хўжалиги вазири Шавкат Хамраев эса, 2020 йил 250 минг гектар ерда сувни тежовчи технологиялар қишлоқ хўжалигини суғориш ишларида ишлатилишини маълум қилди.

– 2030 йилга бориб сув дефицити 7 миллиардга етади. Яъни, сув манбайи 20-25% қисқаради. Шунинг учун сув тежовчи технологияларни қўллашимиз шарт. 37-40% сув суғориладиган ерга оқиб келгунга қадар йўқотилади, — деди Шавкат Хамраев.